Амар мэнд амьдрал аз жаргалд хөтөлнө.
“Палома” ХХК нь 1996 онд үүсгэн байгуулагдаж, гадаад, дотоод худалдаа болон эмийн бөөний болон жижиглэнгийн худалдааны чиглэлээр үйл ажиллагаагаа эхлүүлсэн бөгөөд өнөөдрийг хүртэл тасралтгүй, тогтвортой ажиллаж, салбартаа тэргүүлэх байр суурийг эзэлсээр байна.
“Палома” ХХК нь БНСУ-ын 27 гаруй нэр хүндтэй, тэргүүлэгч эмийн үйлдвэрүүдээс түүхий эдийн цэвэршилт өндөртэй, чанар сайтай, эмчилгээний өндөр идэвхтэй бүтээгдэхүүнүүдийг албан ёсны эрхтэйгээр импортлон, Монгол хүний эрүүл мэндийг дээдлэн, чанарын баталгаатай эмээр хангах үйл ажиллагааг амжилттай хэрэгжүүлж байна.
Компанийн үйл ажиллагааны хүрээнд Монгол Улсын эмийн бүртгэлд нийт 77 нэр төрлийн эмийг амжилттай бүртгүүлсэн бөгөөд эдгээрийн дотор Монголын зах зээлд анх удаа нэвтэрсэн, эмчилгээний өндөр үр дүнтэй Амикомплекс 91.7%, Нефрис, Ниссел, Альфа кальци, Алтан үрэл зэрэг бүтээгдэхүүнүүд багтдаг. Ялангуяа “Алтан үрэл” нь ЮНЕСКО-д бүртгэгдсэн уламжлалт жорыг орчин үеийн технологитой хослуулан үйлдвэрлэсэн Монголын анхны импортын уламжлалт үрэл гэдгээрээ онцлогтой.
“Палома” ХХК нь эм ханган нийлүүлэх төв, “Зууннаст” сүлжээ эмийн сангуудынхаа тусламжтайгаар дээрх эмүүдийг эрүүл мэндийн байгууллага, эмнэлэг болон иргэдэд тогтвортой, хүртээмжтэй, найдвартай байдлаар нийлүүлэн ажиллаж байна.
Эдгээр амжилтууд нь “Палома” ХХК-ийн тууштай хөгжиж, хэрэглэгч, нийгэм, эдийн засагт оруулж буй үнэтэй хувь нэмрийг илтгэн харуулж байна.
GMP & ISO Compliant
Quality-controlled distribution chain
3
охин компани
8
салбар эмийн сан
1
эм ханган нийлүүлэх төв
50+
чадварлаг ажилтан бүхий хамт олон
2000+
харилцагч байгууллагатай хамтран ажиллаж байна
ЭХ ОРНЫ ХӨГЖИЛ ЭРҮҮЛ, БОЛОВСРОЛТОЙ ХҮНЭЭС
Монгол үндэстний уламжлалт СУУ ухааныг дэвшилтэт технологитой хослуулан алд биеэ огоорон үнэнчээр нэгдэж үйл хэргээ дэлхийд таниулна
ХҮНИЙ ЭРҮҮЛ МЭНД
Чанартай эмээр найдвартай үйлчилнэ
“Палома” ХХК нь үйл ажиллагааныхаа хугацаанд олон талт амжилт, үнэлгээг хүртэж ирсэн бөгөөд дараах нэр хүндтэй шагналуудыг хүртсэн байна. Үүнд:
“Нефрис” эм импортын шилдэг бүтээгдэхүүнээр шалгарсан
Хэрэглэгчдийн итгэлийг хүлээсэн, итгэмжит шилдэг хамт олон
Боловсрол, инновацийн чиглэлээр олгогддог “Тэргүүн оюу” шагнал
Улсдаа үнэтэй хувь нэмэр оруулсан тэргүүний татвар төлөгч байгууллага
Хүний нөөцийн бодлого, ажлын таатай орчноороо шилдэг ажил олгогч байгууллага
Татварын сахилга бат, үлгэр жишээ үйл ажиллагаагаараа дахин шилдэг татвар төлөгч байгууллага
“Палома” ХХК нь бизнесийн амжилтаа нийгмийн сайн сайхны төлөө чиглүүлэн, зөвхөн эрүүл мэндийн салбарт төдийгүй боловсрол, соёл, урлаг, байгаль орчны чиглэлд ч бодитой хувь нэмэр оруулж, нийгмийн хариуцлагын хүрээнд дараах хөтөлбөрүүдийг тогтмол, үр дүнтэйгээр хэрэгжүүлэн ажиллаж байна.
Компанийн зүгээс эрүүл мэндийн чиглэлийн сургалт, семинар, эрдэм шинжилгээний хурлуудыг тогтмол ивээн тэтгэж, мэргэжлийн оролцогчид болон олон нийтэд үнэ цэнтэй мэдлэг, мэдээлэл түгээхэд хувь нэмрээ оруулсаар ирсэн. Сүүлийн 3 жилийн хугацаанд нийгмийн эрүүл мэнд болон харилцагч түншүүддээ чиглэсэн 110 сая төгрөгийн хөрөнгө оруулалт бүхий сургалтуудыг ивээн тэтгэжээ.
Ирээдүйн боловсон хүчнийг дэмжих хөтөлбөрийн хүрээнд “Зориг” сантай хамтран “Эрүүл мэндийг дэмжих – Эрдэм мэдлэг” уриан дор дотоодын их, дээд сургуулийн үндсэн ангийн 40 оюутанд сургалтын төлбөрийн тэтгэлэг сүүлийн 2 жилд тогтмол олгон, тэдний боловсролд үнэтэй дэмжлэг үзүүлсэн.
Хөгжмийн урлаг, хөгжмийн боловсролыг дээшлүүлэхэд хувь нэмэр оруулах үүднээс цохивор хөгжмийн урсгалыг дэмжиж, соёлын арга хэмжээг ивээн тэтгэн ажиллаж байна.
Өсвөр насны хүүхдийн сэтгэн бодох чадвар, тэсвэр тэвчээр, хариуцлагатай хандлагыг төлөвшүүлэх зорилгоор өсвөрийн шатарчдын шатрын тэмцээнийг ивээн тэтгэн зохион байгуулж, оюуны спортыг дэмжих, залуу авьяастнуудыг илрүүлэхэд бодит дэмжлэг үзүүлсэн.
Асрамжийн төвүүдийн хүүхдүүдэд зориулан амьдрах орчныг сайжруулах зорилгоор өрөө тасалгааг засварлан тохижуулах, зөв эрүүл хооллох, эрүүл амьдралын хэв маягийг дадал болгох, хоол хийх болон ахуйн амьдралын зөвлөмж өгөхөөс гадна улирал бүр хоол хүнсний материал, хичээлийн хэрэгсэл, витамин, хувцас, ном зэрэг шаардлагатай зүйлсийг хандивлан дэмжлэг үзүүлдэг.
Бизнесийн ёс зүйг эрхэмлэн сурталчлах хөтөлбөр: Компанийн зүгээс бизнесийн тогтвортой хөгжил, харилцагч байгууллагуудтай урт хугацааны үнэ цэнийг бий болгоход чиглэсэн хамтын ажиллагааг дэмжин, тодорхой сэдвийн хүрээнд жил бүр “Бизнесийн үнэ цэнэ” өдөрлөгийг зохион байгуулж, салбарын төлөөлөлтэй нээлттэй харилцаа, туршлага солилцох орчныг бүрдүүлж байна.
Сүүлийн 3 жилийн хугацаанд нийт 350 сая төгрөгийн хандив, тусламжийг төрийн болон хувийн хэвшлийн байгууллага, эмнэлэг тэдгээрийн ажилтнуудад хүргэж, “Дархлаажуулалт” аяны хүрээнд эрүүл мэндийн бүтээгдэхүүн хандивлан, цар тахлын нөхцөлд болон бусад онцгой үед хамтран ажилласан.
“Дархлаажуулалт” аяны хүрээнд өөрийн байгууллагын ажилчид болон хамтрагч байгууллагуудын ажилтан албан хаагчдын эрүүл мэндийг хамгаалахад бодит хувь нэмэр оруулан эрүүл мэндийн бүтээгдэхүүн, дархлаа дэмжих витамин, эмийн багцыг тогтмол хандивлан ажилладаг.
Монголын ард түмний соёл, зан заншлыг хадгалах, түгээн дэлгэрүүлэх зорилгоор Унгар улсын угсаатан судлаач Фөлдеш Ласлогийн Монголд хийсэн хээрийн судалгааны гэрэл зургийн цомгийн хэвлэлтийг ивээн тэтгэв. Тус бүтээл нь XX зууны дунд үеийн Монголчуудын ахуй амьдрал, соёлыг бодитоор харуулсан дахин давтагдашгүй үнэт эх сурвалж бөгөөд дэлхий нийтэд Монгол орныг таниулах, сурталчлах чухал ач холбогдолтой юм.
Байгаль орчны хамгаалалд хувь нэмэр оруулахын зэрэгцээ ажилтнуудынхаа нийгмийн оролцоог дэмжих зорилгоор “Палома” ХХК-ийн хамт олон бүх нийтийн цэвэрлэгээний аяныг зохион байгуулж, Төв аймгийн Сэргэлэн сумын “Ээж хад” орчмын хог хаягдлыг цэвэрлэж, ачуулах ажлыг санаачлан, бодитоор хэрэгжүүлсэн.
Бид бүтээгдэхүүний хүргэлтийн үйлчилгээгээ цахилгаан машинаар, байгальд ээлтэй эко байдлаар гүйцэтгэхийг эрхэмлэдэг бөгөөд энэ нь ногоон хөгжлийн зорилгыг дэмжих, байгаль орчны бохирдлыг бууруулахад чиглэсэн бодит үйлдэл юм.
“Европын Сэргээн Босголт Хөгжлийн Банк”-ний дэмжлэгтэйгээр хүний нөөцийн удирдлагын чиглэлээр компанийн үйл ажиллагаагаа сайжруулах зорилгоор сургалт, хөтөлбөрийг амжилттай хэрэгжүүлсэн.
